دعوه للنقاش قطع الغيار التجاريه والاصليه تجربتك شارك معنا

والله من ناحيتي الحمد لله قطـع اصليهـ ، ومريح بآلي ~ 

لكن على طاري القطع , اذكر عند جدي سيارهـ قديمه جداً مدري وش نوعها لكن تشبه المازدآ والكرسيدا ..والاشكال ذي 

والله كان يركب لها مليون قطعـه [ يعني يركب بواجي كورلا و اسلآك مازدا ] ..الخ  والله انها تحفه السيارات القديمه هع 

انا بحكم معي كابرس 90 ماعاد فيه أصلي اخذ امريكي او مجدد والله لوفيه اصليه كأن تشوف السياره 20 سنه قدام
غير20 سنه الاراحت ههههههههههههههههههههآآي 

فيه بعض القطع التجاريه تكون افضل من قطع الوكالة الاصلية مثل قماشات الهايلكس (من واقع تجربة)

يااخوان الوكلاء لونزلوقطع غياراصلي بيخسرون

كل واحد فينا بيركب قطعه وينساها بس هم بالذات القطع الاستهلاكيه تحصلها تجاري وغاليه يبغونك تروح زوترجع لهم تجاره مدروسه باتقان

والله عن نفسي القطع كلها وكالة مررا ماثق بحقونا الصناعية وكذا وثاني شي انا من الناس الي اول باول مع السيارة اوقات الصيانة والزيوت اغيرها في شركة بترومين وماعرف اني غيرت تجاري ومانصح فيه والسيارة تدوم معاك على حسب استعمالك والقطع

القطع التجاريه لاتشتريها ولو بريال اما القطع الاصلي تأكد انها اصلي وكاله لانه فيه قطع ايضا تتوافر في الوكالات ويقول لك انها اصلي وهي تجاريه بس جايه في كراتين عليها علامه تجاريه معتمده ولعلمكم ليست كل شركات السياره التي يمتد نطاق توزيعها في الخليج تلزم وكيلها بتوفير وتسويق قطع الغيار الاصلي يعني هو مجرد وكيل بيع سيارات فقط وللتكسب يفتح قسم صيانه وقطع غيار في نفس وكالته وهذا القسم غير معتمد من الشركه المصنعه للسياره ثم يسوق قطع مقلده مستخل اسم الوكاله ؟

الاصلي فقط مهما كلف او خذ من التشليح اصلي احسن من التجاري من واقع تجربه. 

الأصلي أفضل من التجاري من واقع تجربة

الاصلي افضل شي بعض قطع  تنفع تجاري لكن الاغلب لا